Batzokiak dira euskal abertzaleen benetako topagune eta berebiziko garrantzia izan dute beti Euskadi osoan EAJren zabalkunderako. Hauek izan dira Alderdiak abertzaletasunaren ideia, euskara eta herri gisa dugun ondare kulturala zabaltzeko erabili izan dituen motorerik garrantzitsuenetarikoak.

Lehen batzokia “Euskeldun Batzokija” izan zen, jaiotzen ari zen erakundean mugarri argi bat izan zena. Correo kalean zegoen kokatua Boulevardekin izkina egiten. Alokatutako pisu hartan aukeratu zen lehen Bizkai Buru Batzarra. Horma horien artean ikusi zuen argia Euzko Alderdi Jeltzaleak.