EAJ-ren mendeurrena dela eta 1995eko uztailaren 31ko agiria

(EAJren mendeurrena dela eta, jendaurreko ekinaldian Euskadi Buru Batzarreko kide guztiek ospe handiz izenpetutako agiria. Erki Buru Batzarrek eta alderdikideek ere bere egin zuten agiri hau).


Euskal Herriko seme-alabok: gizakiaren lehen aztarnak agertzen diren baino lehenagotik Europako bide-gurutze honetan bizi eta lan egiten duen herri honetako seme-alaba garenok, gaur, XXI, mendearen atari  honetan, hauxe adierazten dugu, askatasunez eta irmotasunez:

1.- Euzkadi da gure Aberria.


2.- Sei lurraldeetako euskaldunok herri bakarra osatzen dugu, jatorriz eta borondatez.  Bere buruaren jabe den herria da gurea eta ez dugu beste soberaniarik ez aitortzen, ez onartzen.


3.- Euskara da gure herriaren hizkuntza. Euskara berreskuratzea eta hedatzea baino aurreragoko lanik ez da gutako inorentzat.


4.- Askatasuna eta justizia dira gure elkarbizitzaren oinarri. Ez dugu inoiz inoren larderiarik edo morroi izaterik onartuko, gure aurrekoek inoiz onartu ez zuten bezala.




Irakurri gehiago

Oinarrizko Irizpideak

  • 1  SABINO ARANA GOIRIK sortutako Euzko Alberdi Jeltzaleak JAUNGOIKOA ETA LEGE ZARRA du goiburu. Eusko Aberriarekin batera gizakiak mundualdi honetaz haratago duen bizitza adierazten du goiburu horrek. Aberriaren burujabetza berreskuratuz adierazi behar du bere izate politikoa.
  • 2  Euskotarren alderditzat, demokratikotzat, askotarikotzat, akonfesionaltzat eta humanistatzat eta aurrerapenei eta gizakiaren onurako diren gizarteko mugimendu guztiei irekitzat jotzen du bere burua Euzko Alderdi Jeltzaleak.
  • 3  Pirinio bi aldeetan bizi den Euskal Herria Aberritzat eta lurraldetzat Eusko Alderdi Jeltzaleak. Euskadi du bere izena, ikurriņa bere bandera eta Eusko Abendaren Ereserkia bere himnoa.
  • 4 

    Euskara jotzen du Eusko Alderdi Jeltzaleak gure hizkuntza nazionaltzat. Bere normalizazioa erantzukizun nazionala da. Zerbitzatu behar dituen eusko hiritarren eta alderdikideen hizkuntza eskubideak zaintzea eta bultzatzea da EAJren alderdi barruko eta gizarteko erantzukizuna Eusko Alderdi Jeltzaleak bere egiten ditu hizkuntza normalizazioko irizpideak: euskaldunen berezko hizkuntzaren, txikia eta gutxitua den euskararen aldeko jarduera eginkorrarentzat ezinbestekoa den urratsez urratseko aurrerabidea.

  • 5  Helburu hauek ditu Eusko Alderdi Jeltzaleak:
  • 5a  Egitasmo politiko abertzalea burutzeko tresna izan.
  • 5b  Elkartasuna, iraunkortasuna eta aukeren berdintasuna kontuan izanik, Euskadin bizi diren guztientzat ahal denik eta garapenik eta aurrerabide sozialik, ekonomikorik, kulturalik eta abarrik handiena lortu.
  • 5c  Euskal hiritarren hezkuntzarako eta ekimen politikoko partaidetzarako bide izan.
  • 5d  Egitasmo politiko abertzalearen eta bere estrategia politikoaren gogoetarako eta berrikuntzarako eragile izan.
  • 5e  Aginpide politikoa eskuratu, batez ere erakundeetan lan eginaz, alderdiaren egitasmoa egia bihurtzeko bitarteko gisa.
  • 5f  Jendearen iritziari etengabe eragin, hiritarren eta gizarteko taldeen partaidetza akuilatu, bere etorkizunaren eraikuntzan euskal gizartearen protagonismoa errespetatuz
  • 5g  Erakunde publikoetako ordezkariei norabideak, orientabideak, laguntzak eta kontrola eskaini.

EAJ-ren mendeurrena dela eta 1995eko uztailaren 31ko agiria

EAJ-PNVren oinarrizko printzipioak

EAJ-PNVren definizioa eta oinarrizko printzipioak

Antolaketa-egitura

EAJ-PNVren antolaketa. Uri, Herrialde eta Aberri Batzarrak. Erabakiak hartzeko prozesua

Batzokiak eta e-batzokia

Batzokia elkartzeko eta eztabaidatzeko gune fisikoa da. e-batzokia zure gune birtuala da

Azken argazkiak

Bidali zure argazkia